Pas dorëheqjes nga posti i drejtorit, Rama surprizon, boton letrën e plotë të zyrtarit në largim Ardi Veliu

Pas paqartësive nën vërtëtësinë e shkarkimit të Ardi Veliut si Drejtori i Përgjithshëm i Policsë, vjen dhe reagimi nga Kryeministria.

“Me konsideratën më të lartë për ndershmërinë, profesionalizmin dhe përkushtimin e posaçëm të Drejtorit të Përgjithshëm të Policisë së Shtetit, Ardi Veliu, dhe me bindjen se ai ka akoma shumë për t’i dhënë shtetit në detyra të tjera, e falënderoj nga zemra për kontributin e vyer”, shkruan Kryeministri Edi Rama teksa mëposhtë ka publikuar foton e letrës së dorëheqjes.

 

Letra e plotë e dorëheqjes së Ardi Veliut

“I nderuar zoti Kryeministër,

 

Për mua ka qenë një nder dhe privilegj t’i shërbej vendit si Drejtues i Policisë së Shtetit për katër vitet e fundit në një punë sfiduese e impenjative të përditshme, shpesh larg familjes e fëmijëve që kanë sakrifikuar bashkë me mua. Jam përpjekur të jap më të mirën time dhe të forcave tona policore duke menaxhuar situata komplekse nga lufta kundër trafiqeve e drogës, krimit të organizuar e atij të rrugës, flukset e emigrantëve apo edhe tubimet shpeshherë të dhunshme.
Por në këtë moment kam vendosur të mos kërkoj një mandat tjetër dhe t’ju ofroj dorëheqjen time për t’u përkushtuar më shumë familjes dhe fëmijëve që tani janë në një moshë delikate e të cilëve iu kam munguar pafund këto katër vite.
Kjo ka qenë padyshim përvoja më e vyer e jetës sime dhe ju falënderoj për besimin, mbështetjen dhe kurajën e vazhdueshme pa të cilat nuk do kishim arritur të menaxhonim me sukses kaq shumë sfida. Mezi pres të punojmë sërish së bashku në të ardhmen në shërbim të vendit tonë e njerëzve tanë.
Me mirënjohjen më të thellë e konsideratat më të larta, Ardi Veliu”

Previous articleEndri Fuga përgënjështron lajmin: “Ardi Veliu nuk është shkarkuar nga detyra”
Next articleBig Brother Albania VIP fillon me nje kleçke. Ne faqen zyrtare ne instagram bllokon komentet e publikut nen fotot e opinionisteve Hajdarit dhe Bodinakut.