Aleksandër Mehmetaj, 21 vjeç, është arrestuar nga Policia e Durrësit. Sipas Newsbomb ky shtetas ka qenë i shpallur në kërkim nga autoritetet pasi akuzohet për dy raste të “vrasjes së mbetur në tentativë”.

Ai është arrestuar mbrëmjen e djeshme në Durres pasi kishte dalë për jetë nate dhe u eshte gjetur edhe një armë zjarri pistoletë.

I riu nuk është një emër i panjohur për Policinë, pasi në shtator 2020 ka plagosur me armë zjarri shtetasin Spartak Beqaraj. Dy javë para se ta plagoste, Mehmetaj ishte konfliktuar me 45 vjeçarin Beqaraj. Ai e priti këtë të fundit në hyrjen e pallatit në Astir dhe pasditen e 21 shtatorit e qëlloi me pistoletë.

Ndërkohë, më herët Aleksandër Mehmetaj është arrestuar nga Policia pasi, plagosi me thikë dy persona në Sarandë dhe shkak ishte një sherr për motive banale.