“Më shau”,autori i vrasjes së 8-vjeçarit rrëfen si e kreu krimin

“Më shau”, ky ka qenë justifikimi i Klodian Çalamanit për vrasjen e 8 vjeçarit në Fier. Ai ka rrëfyer para bluve të gjithë skenën e krimit.

38 vjeçari u ka thënë hetuesve se i mituri e kishte sharë ndaj e kishte goditur me lopatë në kokë dhe trup duke e lënë të vdekur në vend.

Vrasjen e të miturit e ka kryer në oborr pranë portës kryesore e më pas e ka zhvendosur trupin në brendësi për ta mbuluar.

Gjatë procesit të marrjes në pyetje autori ka shfaqur shenja te paqëndrueshmërisë mendore. Siç kanë deklaruar fqinjët ai ishte përdorues i alkoolit, jetonte vetëm si dhe ishte i papunë. Për zbardhjen e ngjarjes policinë e kanë orientuar kamerat në rrugë, përmes të cilave kanë parë të miturin të hyjë në banesën e autorit.

Çalamani e kishte rrëmbyer të miturin i cili në orët e pasdites kishte qenë duke bërë xhiro me biçikletën e autorit. Referuar dëshmisë së autorit i mituri e ka sharë, prandaj ai  e ka qëlluar me lopatë. Më pas e ka mbuluar me baltë në oborrin e shtëpisë së tij.

Nëna e 8-vjeçarit është shqetësuar pasi djali i saj nuk është kthyer në shtëpi si zakonisht dhe është drejtuar në polici duke paraqitur denoncim. 38-vjeçari ka qenë në shënjestër të grupit hetimor nisur edhe nga e kaluara e tij, pasi disa vite më parë kishte rrëmbyer një vajzë.Gjatë marrjes në pyetje ai e ka mohuar por më pas është dorëzuar. Pas disa orë kërkimesh, blutë kanë gjetur trupin e të miturit të mbuluar me baltë.

Previous articleSi e “gozhduan” hetuesit vrasësin e Fierit,lot dhe dhimbje,daja i fëmijës: Autori të varet si qen
Next article“Trekendeshi Arjola, Kledi, Beatrix!” Kledit i çjerrin masken, Beatrix: Ndihem e perdorur!