Makina që shpërtheu nga tritoli e prokurorit Arjan Muça

Një shpërthim ka ndodhur pasditen e kësaj të enjteje në zonën e Komunës së Parisit në Tiranë.

Burime paraprake për Zoom.al thonë se një automjet ka shpërthyer, pasi dyshohet se i është vendosur lëndë plasëse.

Lënda plasëse dyshohet se ishte vendosur në pjesën e përparme të makinës. Deri më tani, fatmirësisht nuk raportohet për persona të lënduar.

Në momentin e shpërthimit, automjeti mësohet se ndodhej brenda parkingut të një qendre tregtare që ndodhet në zonën e Komunës së Parisit.

Nga të dhënat e para bëhet e ditur se mjeti ka qenë i prokurorit Arjan Muça, të cilit dyshohet se i është vënë lëndë plasëse në pjesën e përparme.

Previous articleE FUNDIT/ Shpërthim i fuqishëm në një qendër tregtare në Tiranë
Next articleTritol makinës së prokurorit/ Ja çfarë thotë policia