Kapet duke vjedhur në autobus,nuk ishte rasti i parë

Policia e Tiranës ka arrestuar një hajdut, i cili kishte kryer disa vjedhje në autobusët e linjave urbane në Tiranë.

Blutë bëjnë me dije se 41-vjeçari u arrestua nga efektivët e Komisariatit nr.1 pasi kishte vjedhur celularin e një vajze në një stacion autobusi.

Menjëherë pasi konstatoi mungesën e celularit ajo njoftoi policinë, të cilët bënë të mundur kapjen e hajdutit.

Pas verifikimeve të kryera, policia zbuloi se personi në fjalë ka kryer të paktën edhe dy vjedhje të tjera të ngjashme në autobusë apo stacione.

Të treja vjedhjet kanë ndodhur gjatë javës së fundit, ku shënjestrat e tij kanë qenë një zonjë dhe një djalë.

Njoftimi i policisë:

Specialistët për Hetimin e Krimeve në Komisariatin e Policisë Nr. 1 bënë kapjen dhe ndalimin e shtetasit L. N., 41 vjeç, pasi në një stacion autobusi i ka vjedhur telefonin shtetases S. P., 20 vjeçe.

Gjithashtu nga veprimet hetimore, ka rezultuar se ky shtetas është autor edhe i dy vjedhjeve të tjera të ndodhura më parë, konkretisht:

– Më datë 13.11.2021, i ka vjedhur portofolin, shtetasit D. B.;

– Më datë 17.11.2021, i ka vjedhur portofolin, shtetasit I. Q.

Previous articleArrestohet efektivi policisë për favorizimin e kultivimit të lëndëve narkotike
Next articlePerplasje mes Arbanes dhe Fifit: Ndoshta duhet te dalesh ta ndjekesh nga shtepia BB VIP