Gjashtë të arrestuar në Tiranë lëndë narkotike,dhunë dhe vjedhje

Gjashtë persona janë arrestuar në Tiranë për vepra të ndryshme penale, drogë, dhunë, vjedhje dhe thyerje të masës së sigurisë.

NJOFTIMI I PLOTE

Specialistët e Sektorit për Hetimin e Narkotikëve në DVP Tiranë bënë arrestimin në flagrancë të shtetasve:

– I. M., 32 vjeç, pasi gjatë kontrollit të ushtruar në banesën e tij, iu gjet dhe iu sekuestrua në cilësinë e provës materiale një sasi lënde e dyshuar narkotike cannabis sativa;

– S. S., 20 vjeç, pasi është konstatuar duke shitur lëndë të dyshuar narkotike. Gjatë kontrollit iu gjet dhe iu sekuestrua një sasi lënde e dyshuar narkotike cannabis sativa.

Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit E. P., 18 vjeç, pasi u kap duke vjedhur një biçikletë. Gjithashtu, nga veprimet hetimore, ka rezultuar se ky shtetas është autor edhe i tri vjedhjeve të tjera të ndodhura më parë, konkretisht:

– Më datë 15.10.2021, i ka vjedhur biçikletën shtetasit R. K.;

– Më datë 18.11.2021, i ka vjedhur biçikletën shtetasit E. K.;

– Më datë 21.11.2021, i ka vjedhur biçikletën shtetasit A. L.

Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit K. B., 22 vjeç, pasi ka shkelur masën e sigurisë “Arrest në shtëpi” dhe është konstatuar nga shërbimet e Policisë, jashtë banesës së tij.

Specialistët për Hetimin e Krimeve në Komisariatin e Policisë Nr. 6 bënë ndalimin e shtetasit N. Sh., 37 vjeç, pasi në kundërshtim me vendimin e Gjykatës, ka ushtruar dhunë psikologjike ndaj ish-bashkëjetueses, e cila është e pajisur me urdhër mbrojtje.

Specialistët për Hetimin e Krimeve në Komisariatin e Policisë Vorë bënë arrestimin në flagrancë të shtetasit B. M., 59 vjeç, pasi ka tentuar të kryejë veprime të turpshme në publik, në prani të një shtetaseje.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

Previous articleVlonjati që u qëllua me tytën e pistoletës në kokë mbërmjen e djeshme
Next articleHumori juaj do të luhatet midis niveleve të larta dhe të ulëta, veçanërisht në dashuri. Paolo Fox tregon detajet!