Dy ditë pas ekzekutimit të Shkëlzen Velajt në lagjen Çole të qytetit të Vlorës, policia dhe RENEA që ka shkuar në mbështetje të tyre, kanë kryer disa kontrolle në zonën e Selenicës.

Sipas Faxnews, forcat e RENEA-s kanë kryer kontrolle në disa banesa të Selenicës, si dhe janë shoqëruar disa persona për t’u marrë në pyetje, në cilësinë e personave që mund të kenë dijeni për ngjarjen.

Kontrollet në Selenicë janë bërë për pistën e hetimit, atë të hasmërisë me fisin Llanaj.

Gjatë kontrolleve në Selenicë, nga efektivët në një prej banesave është sekuestruar një armë zjarri tip pistoletë, por pa mundur të ndalohet pronari i banesës. Ndërsa janë shoqëruar disa shtetas në komisariat për t’u marrë në pyetje.

Sa i takon ekzekutimit të Velajt, në makinën e autorëve që u gjet e djegur u gjetën dy armë tip kallashnikovë. Burime bëjnë me dije për Faxëeb.al se mbi Velajn është qëlluar 40 herë, ndërkohë që vetëm njëri prej autorëve ka hapur breshëri.

Nga kqyrja e pamjeve filmike në hyrje të pallatit rezultojnë se autorët kanë qenë me kapele dhe me maskë të zezë anticovid.