Disa të shoqëruar për vrasjen tek “Astiri”, dyshohet me pagesë, një makinë tjetër u përdor për të larguar autorët

Detaje të reja për vrasjen e Erigers Mihasit dhe Armando Dumanit mbrëmjen e kaluar në kryeqytet. Vrasja dyshohet të jetë kryer nga autorë me pagesë, ndërkohë që po kryhet ekspertimi balistik i armëve të gjetura në makinën e djegur që u gjetë po ne mbrëmjen e djeshme ne Thumanë.

Duke iu referuar burimeve nga policia,dyshohet se në vrasje është përdorur dhe një mjet tjetër që ka larguar autorët nga Thumana, ku u gjet e djegur makina e përdorur nga ta. Policia ka shoqëruar disa persona, kryesisht lidhje të dy viktimave, por edhe persona që mund të kenë dijeni për krimin. Ndërkohë që dyshohet se ka pasur edhe persona të tjerë të përfshirë në rolin e vëzhguesve.

Policia po heton intensivisht për zbardhjen e krimit të dyfishtë që ndodhi dje në zonën e Astirit, ndërsa pista kryesore është ajo e së kaluarës së dy viktimave, të cilët rezultojnë persona me të shkruar kriminale dhe të përfshirë në disa krime.

Previous articleLajmi i trishtë, humb betejën me COVID-19 mësuesja 40-vjeçare nga Elbasani, ja apeli i ministres Kushi
Next articlePastrimi i parave, GJKKO cakton ‘arrest në burg’ për dy bashkëpunëtorët e Rezart Taçit. Lilo kërkon lirimin: “Jam thjesht shofer”. Ja çfarë deklaruan avokatët