Mbrëmjen e djeshme është arrestuar biznesmeni Isuf Isufi ne Shkoder. Ne 2019 ai ka qenë dhe zv-president i klubit të Futbollit Vllaznia. Isuf Isufi lëvizte me armë në qytet, ndërsa pas një kontrolli të befasishëm në banesë, i është gjetur një armë pa leje, tip pistoletë.

Ai është arrestuar dhe është shoqëruar në ambientet e policisë. Ende nuk dihen më shumë detaje, as dhe arsyeja se pse biznesmeni i njohur Isufi mbante armë pa leje në shtëpi apo dhe kur qarkullonte në qytet.

Isufi është vëllai i Hasan Isufit, i cili vjet në 2020 plagosi me dy plumba shtetasin Gëzim Bici dhe më pas armën e hodhi në lumin Buna. Shkak u bë negociatat e prishura për blerjen e një prone në Shkodër.