Aksidenti ka ndodhur mbrëmjen e djeshme ku mjeti tip “Renault” me drejtues shtetasin F.O., 16-vjeç është akisdentuar me mjetin tip “Benz” me drejtues shtetasi Gj. B., 54 vjeç, banues në Durrës.

Si pasojë e aksidentit ka humbur jetën 16-vjeçari, ndërsa ndodhen në spital tre shokët e tij, E. B., 18 vjeç, B. M., 16 vjeç, dhe Z. B., 15 vjeç.

Policia ka arrestuar në flagrancë drejtuesi i mjetit tip “Benz”, për veprën penale “Shkelje e rregullave të qarkullimit rrugor”.

“Në vijim të informacionit të mbrëmshëm për aksidentin e ndodhur rreth orës 18:00, në Sukth, ju informojmë se ka ndërruar jetë pas disa orësh në spital shtetasi F. O., 16 vjeç.

Në vijim të veprimeve nga specialistët e Qarkullimit Rrugor në Drejtorinë Vendore të Policisë Durrës, u arrestua në flagrancë drejtuesi i mjetit tip “Benz”, shtetasi Gj. B., 54 vjeç, banues në Durrës, për veprën penale “Shkelje e rregullave të qarkullimit rrugor”.

Materialet i kaluan Prokurorisë së Rrethit Gjyqësor Durrës, për veprime të mëtejshme” njofton policia.

newsbomb