Një 68-vjeçar në Mirditë humbi jetën në një aksident rrugor.

Ngjarja ka ndodhur rreth orës 13:00, në fshatin Bungaj, ku shtetasi Mhill Gega, 60 vjeç, ka goditur me automjetin e tij tip “Benz ” shtetasin Mark Gjeta, 68 vjeç, banues në fshatin Bungaj.

Përplasja ka qenë e fortë, duke i shkaktuar vdekjen e menjëhershme 68-vjeçarit.

Dyshohet se ngjarja ka qenë e qëllimshme.

Nga shërbimet e Policisë Mirditë është kapur shtetasi Gega dhe  shoqëruar në Komisariatin e Policisë Mirditë, bashkë me automjetin për veprime të mëtejshme.

Grupi hetimor në vendngjarje po punon për zbardhjen e sqarimin e plotë të shkakut dhe rrethanave të ngjarjes.