150 euro per nje note, SPAK kerkon 2 vite burg per pedagogun e mjekesise

Prokuroria Speciale mbyll hetimet për pedagogun e Universitetit të Mjekësisë Besnik Faskaj dhe kërkon që ai të dënohet me 2 vite burg. Gjithashtu, SPAK kërkon nga Gjykata e Posaçme që veç dënimit, pedagogu të përjashtohet nga e drejta për të dhënë mësim për 5 vite.

Besnik Faskaj akuzohet për veprën penale të korrupsionit, pasi është filmuar duke marrë 150 euro nga një studente e Mjekësisë për të kaluar në një provim. Kjo e fundit nga ngelëse që ishte, me notën 4, pasi dha paratë mori notën 8. Madje, Faskaj ndërhyri pa problem dhe në sistem për të bërë ndryshimet.

Rasti u transmetua në emisionin investigativ “STOP”. Studentja pretendonte se pedagogu Besnik Faskaj e ka bërë në mënyrë masive këtë pazar me notën. Madje ajo tha se në provimin në lëndën “Urgjencë kirurgjikale” kishte mësuar dhe kishte shkruar, por notën 4 e kishte marrë enkas nga pedagogu që të vinte puna te paratë.

Tashme, sipas Newsbomb dosja do të dërgohet në Gjykatën e Posaçme të shkallës së parë për t’u vendosur një datë gjykimi. Gjithashtu, SPAK kërkon që vuajtja e dënimit për Besnik Faskajn të fillojë nga data që vendimi do të marrë formë të prerë dhe do të bëhet në një burg të sigurisë së ulët.

Previous articleReperi Shqiptar perseri ne probleme.Shpallet ne kerkim nga policia
Next articleMotra e Granitit flet per lidhjen e tij me Beatrix Ramosaj