Detaje të reja trondistëse vijnë nga ngjarja në Divjakë, ku burri vrau bashkëshorten dhe më pas dhe veten. Pak orë para krimit të dyfishtë në familje gazetarët intervistuan djalin e viktimës I cili preku të gjithë opinionin publik teksa shfaqej tepër I rënduar psikologjikisht.

Gjatë ditës së sotme Leondard Rrasa, pasi e ka marrë pak veten nga tronditja ka dhën një intervistë për News 24 ku është pyëtur për ngjarjen dhe dijeninë që ka pasur ai në lidhje me marrëdhënien e prindërve të tij. Djali shprehet se pak para vrasjes ka dalë nga shtepia për kafe me premtimin e të atit se nuk do të konfliktohet me mamanë.

“Ai më tha; ‘s’do bëjë gjë më. Ik pa frikë’ më tha. Më pati premtuar që s’do më linte vetëm, po unë ku do rri më. Në orën 16:00 ika nga shtëpia. Dal nga lokali si gjithë të tjerët. Më marrin në telefon dhe më thonë; ‘hajde te shtëpia’. Ngjarja ndodhi në dhomë e tyre të gjumit. Kur e pashë tragjedinë, mora në telefon Policinë e Shtetit më ndihmoni.” u shpreh Leonard Rrasa, djali i vetëm i bashkëshortëve.

I pyetur nëse ka pasur dijeni për armëmbajtje nga ana e babait të tij ai u shpreh se: “S’kam pasur dijeni për armën. Nuk kam vënë re asgjë. Se do rrija aty. E merrja mamanë dhe e çoja te babai i vetë. Babai më tha premtimin; ‘s’do e luaj, s’do i bëjë gjë. S’do të lë vetëm ty’. Kështu më tha. Ai e bëri këtë tani.”