Lajme
Arrestohen dy të rinj për aksidentin me tre viktima në Kosovë
17 Dhjetor, 2023 | 3:19 pm
I arrestuari për aksidentin tragjik në Prizren, ku mbetën të vdekur tre të rinjtë Lordi Syla, Molos Delija dhe Nue Bibaj është Arlind Syla, 20-vjeçar.
Po ashtu në pranga të Policisë ka rënë edhe i dyshuari tjetër i këtij aksidenti.
Sipas Gazetës Sinjali, pëveç 20-vjeçarit, Arlind Syla, i arrestuar është edhe i riu, Irfan Hoti.
Rastin tashmë e ka konfirmuar edhe Policia e Kosovës, ku siç bëhet e ditur tre të rinjtë u goditën për vdekje dhe tre të tjerë pësuan lëndime trupore nga ngasësi i një automjetit që humbi kontrollin mbi veturë.
“Autostrada-Ibrahim Rugova, (km-15) 16.12.2023-22:45. Gjatë ngasjes në autostradë i dyshuari kosovar dyshohet se ka humbur kontrollin mbi veturën dhe për pasojë ka goditur tre persona meshkuj kosovar-këmbësorë. Si pasojë, tre personat e goditur kanë humbur jetën, ndërsa tre të tjerë kanë pësuar lëndime dhe janë dërguar për tretman mjekësor.
